Fahatsiarovana ny faha-80 nahaterahany
21 marsa 1931 - 21 marsa 2011

Lohahevitra mitondra ny hetsika :

« Diotaona ! Diofanahy ! »

« Fandio taona miandra majihy »

Fiaingana hanadio sy hanajihy fiarahamonina :

« Fandio iray siny tsy mahaleo ny fandoto iray tandroka

tsy ny indray mandeha maty vary no handevenan-tsotrobe

na ny arivo solafaka no tsy hiarenana

fa mila fiarenana ny tena

mila fandio ny tany

mba ho fananganam-pirenena »

Fandio hoenti-miatrika ny fahantran-tsaina manafotra antsika

Fandio hoenti-manasina indray ny tontolo novetaina

Fanasana alatsinainy 21 marsa 2011 @ 10:00 ora :

Velakevitra : “Diabe Alaolana” atolotry ny Dr Ramahatra Roland, ravahana fandefasana sary

Fanolorana boky 3 :

“Iza no namono ny Kolonely Ratsimandrava”

“Tapaporohana sisa tsy may”

“Restructuration du monde rural

>>> hijery ny fanasana

Fanasana zoma 18 marsa 2011 @ 3:00 ora tolakandro : Fanokafana ny Fampirantiana

Nomanin’ny Mpanakanto ato amin’ny Tahala Rarihasina. Atolotr’i Hemerson noho ny Faha-80

taona nahaterahan’ny Kolonely Ratsimandrava Richard

>>> hijery ny fanasana

Fandaharam-potoana 17 marsa 2011 - 28 marsa 2011

>>> hijery ny votoaty

Fotokevitra ho fampiorenana, Andro iray hanandratra kolontsaina mampakatra avo ny firenena malagasy

>>> hijery ny votoaty

Antso fanangonana Voambolana

Repoblikan’i Madagasikara
Tanindrazana –
Fahafahana – Fandrosoana
AKADEMIA MALAGASY
Foibe momba ny teny
Antso fanangonana Voambolana
Ao anatin’ny hetsika : 
« Fampiorenana 

Andro iray hanandratra kolontsaina 

mampakatra avo ny firenena malagasy »,
ny Komity mpiandraikitra an’io hetsika io dia manainga ny besinimaro hifarimbona
 amin’ny fanangonana voambolana sy fombam-pitenenana momba ny :
« Fampiorenana 

« Dio », « Fanjihy », « Hasina »,
« Fanahy » ary « Tsangambato ».


Ny voambolana voaangona dia hanatevenana ny antontan-kevitra hoenti-manorina an’io 
Andro iray hanandratra kolontsaina mampakatra avo ny firenena malagasy io, sady 
ho Andro iraisana ho firavoravoana izay hantsoina hoe :
« Diotaona ! Diofanahy ! »
« Fandio taona miandra majihy ».
Ny voambolana voaangonao dia azo aterina ao amin’ny :
 
Foibe momba ny Teny an’ny Akademia Malagasy, Tahala Rarihasina, rihana faha-2,

na alefa amin’ny adiresy mailaka : tenymalagasy@gmail.com 

alohan’ny Alatsinainy 28 Marsa 2011.

Ampombaina an’ity Antso ity ny Fotokevitra ho fampiorenana Andro iray hanandratra 
kolontsaina mampakatra avo ny firenena malagasy sy ny fandaharam-potoana ho amin’ity
taona 2011 ity.
 

Mankasitraka sahady ny ho firotsahana an-tsehatry ny isam-batanolona no mirary ny 
Malagasy rehetra hanao tongotra miara-mamindra sy soroka miara-milanja amin’ny 
fanandratana ny kolontsaina mampakatra avo ny firenena malagasy, satria ny tao
trano tsy efan’ny irery.

Ny Komity mpiandraikitra ny hetsika